BÍLALEIGA

Sérkjör og bókun bílaleigubíls gegnum samning FHS og Goldcar, stærstu bílaleigu Spánar.

Af gefnu tilefni Biðjum við ykkur að lesa textan vandlega,  það hefur borið á því að upp hafa komið óþarfa atvik erlendis vegna þess að texti var ekki lesinn til enda.

ATH Bókunarvel er neðarlega á síðunni, lesið vel upplýsingar þá gengur allt betur fyrir sig þegar komið er út.

Til að njóta afsláttarkjara þá þá verður að bóka í gegnum bókunarvél FHS.  Að gefnu tilefni er rétt að ítreka að kjör FHS gilda ekki þegar bókað beint af vef Goldcar og er voucer sem er prentaður út af vef FHS öðru vísi en sá sem er prentaður út af vef Goldcar.

Sérkjör viðskiptavina sem bóka í gegnum FHS síðuna eru eftirfarandi:

·         Verð bíla er aldrei hærra og oftast lægra en ef bókað er beint í gegn um Goldcar.es / goldcar.com

·         Ekki eru greidd aukagjöld þó bíllinn sé afhentur eftir kl. 23:00 – verð í dag er frá EUR 40-70 eftir tímabilum

·         FHS veitir félögum sínum alla þá aðstoð sem kostur er á, hvort sem er við breytingar á bókunum eða vegna kvartana sem þeir kunna að færa fram.

Tryggingar: 

CWD (Collision Damage Waiver) tryggingar með sjálfsábyrgð eru innifaldar í verði hjá flestum bílaleigum en þessar tryggingar dekka þó ekki öll tjón og afleiddan kostnað ef til hans kemur, sem dæmi má nefna dekk, spegla og aðstoð ef bíll stöðvast og þarf að kalla á aðstoð þriðja aðila.  Þá þarf auka tryggingu,,,

Goldcar býður okkur Super relax tryggingu sem er breytileg og ræðst af tegund bíla og tímabili og þeir sem taka þessa tryggingu bera enga sjálfsábyrgð.

GOLDCAR COVERS 14.08.17  (smellið á línu til að skoða verð)

Við afhendingu bjóða þjónustufulltrúar Goldcar upp á þessa tryggingu, og þá þurfa leigjendur að hafna henni ef þeir vilja hana ekki.  EN .. þá þarf að reiða fram tryggingu með kreditkorti, annað hvort VISA eða MC ( American Express ekki tekið, né debitkort).  Nú eru þetta frá 1.100 – 2.000 EUR, sem ekki eru teknar út af kortinu, en „blokkera“ kortið um samsvarandi upphæð, sjá nánar á hvað er blocked hér 

Óhjákvæmilegt er annað en að FHS ráðleggi fóki að taka þessa tryggingu, nema það hafi vandlega kannað að það sé tryggt fyrir þessari áhættu í gegn um sínar tryggingar heima, s.s greiðslukort.  Þegar tryggt er í gegnum greiðslukort þá er sjálfsábyrgð tryggingafélaga mismikil og rétt að huga að því hver hún er en oft er þessi upphæð ISK 25.000 kr sem er mv. gengi 27.6.2017 EUR 213.     

Kostnaður vegna skemmda  (smellið á linuna til að opna fylgiskjal)

Blocked 19.05.17 (smellið á línuna til að opna fylgiskjal)

Vinsamlega notið ekki séríslenska stafi:

Bókunarvél fyrir bílaleigubíla

Eldsneyti:

Við afgreiðslu á bílaleigubíl þarf leigjandinn að greiða fyrir fulla áfyllingu af eldsneyti.  Verðskrá vegna eldsneytis kemur fram við lok bókunar á bókunarvef, en ljóst er að um er að ræða hærri upphæð en sem nemur „venjulegri áfyllingu“.  Leigjandinn skilar síðan bílnum með eins litlu eldsneyti og kostur er.  Ef um er að ræða leigutíma sem er 3 dagar eða styttri, fæst endurgreiðsla fyrir það eldsneyti sem er á bílnum við skil, þó nauðsynlegt að kalla eftir því.

Goldcar – General Conditions SPAIN June17 (smellið á línu til að opna almenna skilmála Goldcar 2017)

Goldcar One-Way 2017 May17  Ef þú tekur bíl á einum stað og skilar á öðrum þá er rukkað fyrir það.  Smelltu á línu á náðu í excel skjal sem sýnir hve mikið.

Önnur aukagjöld:

·         Ef leigjandi velur díselbíl fylgir því viðbótarkostnaður, en á ekki að vera ef Goldcar afhendir slíkan bíl án þess að eftir því hafi verið óskað

·         Barnabílsstóll.  Gjald kemur fram við bókun.

·         GPS tæki.  Gjald kemur fram við bókun

·         Flýtiafgreiðsla.  Hægt að losna við biðröð fyrir tiltölulega sanngjarna upphæð, í kring um 20 EUR, þó breytilegt eftir tímabilum.  Kemur fram við bókun.

·         Ef bíl er ekki skilað á sama stað og hann er tekinn, fylgir því aukakostnaður, kemur fram við bókun.

Athugið sérstaklega:

·         Í gildi er reglugerð frá ármótum 2012-2013 sem takmarkar heimild bíluleigufyrirtækja til að leigja bíla lengur en í 28 daga samfellt.  Lengir leigutími kallar á 2 eða fleirir samninga.  Vonir standa til að þetta kunni að ganga til baka innan tíðar.

·         Vinsamlegast notið ekki séríslenska stafi.

Aðstoð frá FHS: goldcar.to.fhs@gmail.com

Hér neðar er saga samstarfs við Goldcar og ekki nauðsýnlegt að lesa nema sér til gamans: 

10. Okt 2013 var tekin í notkun ný bókunarvél við bókanir á bílaleigubílum hjá Goldcar bílaleigunni á Spáni, í gegnum heimasíðu FHS.

Helstu breytingar eða eðliskostir þessarar nýju bókunarvélar eru eftirfarandi:

1.      Bókun á Goldcar bílaleigubíl í gegn um heimasíðu FHS er nú „on line“, þ.e. notandinn er nú í beinu og  gagnvirku sambandi við Goldcar.

2.      Framboð á bílum kemur nú fram um leið og leigutímabil hefur verið valið, þannig að nú þurfa notendur FHS ekki lengur að kynna sér sérstaklega hvaða bílaflokkar   eru í boði fyrir tímabilið.

3.      Verð kemur sömuleiðis fram, og geta notendur séð áhrif þess ef barnabílstóll, flýtiafgreiðsla og/eða GPS tæki eru valin, áður en bókun er staðfest.

4.      Staðfesting / Voucher, til útprentunar, birtist notandanum strax að lokinni staðfestingu á pöntun.

5.      Kerfið lagar sig að stærð skjás viðkomandi notanda, hvort sem um er að ræða tölvuskjá eða snjallsíma.

6.      FHS býðst nú að tengjast með sama hætti  öðrum afgreiðslustöðum Goldcar.

7.      FHS viðskiptavinir mynda nú við fyrstu bókun „account“ eða viðskiptaskrá hjá Goldcar, þar sem þeir geta með netfangi og lykilorði öðlast beinan aðgang að sínum bókunum hjá Goldcar, þar sem þeir hafa aðgang að eldri bókunum og nýjum, geta skoðað og prentað út, gert breytingar eða fellt niður bókanir í vinnslu.  Þetta flýtir svo fyrir við bókanir síðar.

8.      Viðmót á bókunarsíðu er á ensku  til að byrja með, en stefnt er að því að það verði á íslensku.