UM FÉLAGIÐ

Félag húseigenda á Spáni var stofnað 12. nóvember 1989. Lengi vel var aðal áhersla félagsins á að fá sem hagstæðust fargjöld til og frá Spáni og hefur félagið í mörg undanfarin ár haft samning við ferðaskrifstofur um flugfargjöld milli landana.  Í ár er ekki samningur og er það vegna þess að samkeppni í flugi er hörð þetta árið og flugrekendur telja ekki svigrúm til þess að gefa okkar félagsmönnum afslátt umfram samkeppnisverð nú. Við erum þó áfram í ágætu sambandi við þessa aðila ef eitthvað breytist.

Félag húseigenda á Spáni er hagsmunafélag húseigenda og væntanlegra húseigenda á Spáni.  Tilgangur þess að vinna að sameiginlegum hagsmuna- og áhugamálum félagsmanna sinna á Spáni, efla samheldni þeirra og stuðla að sem hagstæustu ferðum milli Íslands og Spánar og koma fram fyrir hönd félagsmanna í samningum.

Til þess rekum við heimasíðu og borgum mánaðarlega gjald af henni.

  • Á heimasíðu okkar er að finna „Viðburðadagatal“ þar sem sagt er frá því sem er að gerast á Spáni og Íslandi.
  • Á heimasíðu okkar er að finna síðu „Fyrstu skrefin“ sem er opin síða og fyrir þá sem eru að koma nýjir inn.
  • Á heimasíðu okkar er að finna síðu „Öryggisnetið“ sem er síða sem snýr að öryggismálum.
  • Við erum með starfsmann á Spáni og höfum haft í mörg ár og greiðum þóknun fyrir að vera á vakt. Starfsmenn okkar hafa alla tíð verið úrvalsfólk en okkar starfsmaður í dag er Hanna María Jónssdóttir. Hanna María talar spænskuna vel og þekkir kerfið á Spáni vel, hún er fljót að setja sig inní mál ef þess gerist þörf og hefur góða þjónustulund.
  • Starfsmaður á Spáni ber neyðarsíma sem félagið skaffar og greiðir af og svarað er í allan sólahringin.
  • Við erum með net aðila sem vísað er á þegar það hentar betur t.d. vegna staðsetningar félagsmanns en nöfn þeirra allra er að finna á heimasíðu okkar.
  • Við erum með samning við bílaleiguna Goldcar og höfum verið með lengi, síðan er opin öllum og fáum við smá þöknun fyrir hverja leigu.  Því verkefni tengdu erum við með upplýsingar á íslensku heimasíðunni og látum vita hvað ber að varast en að auki fá viðskiptavinir sem bóka í gegnum síðuna afslátt og greiða ekki gjald fyrir að koma utan hefðbundins opnunartíma.
  • Við erum í samvinnu við lögmenn á Spáni og Íslandi sem báðir veita FHS félögum afslátt af þjónustu.
  • Í febrúar ár hvert er höldum við aðalsfund á Íslandi þar er m.a. kosin 5 manna stjórn og 2 í varastjórn, síðar sama dag erum við með það sem við köllum „Grísaveislu FHS“
  • Á Spáni stendur félagið árlega fyrir haustfagnaði sem haldin er í lok september
  • Við gefum út félagsskirteini á félagsmenn
  • Við höldum úti það sem við köllum „afsláttarbók“ og er að finna á heimasíðu okkar en þar eru íslenskir sem erlendir aðilar sem gefa félagsmönnum okkar afslátt af vörum og þjónustu.
  • Við höldum úti viðburðadagatali á heimasíðu okkar og vinnum með og auglýsum upp viðburði á Spáni, í þessu sambandi höfum við fengið einn félaga okkar sem er mikið á Spáni til að vera okkar „Viðburðastjóra “ hann á að vita af öllum viðburðum og stýrir þeim en þeir eru fyrir alla en ekki aðeins félagsmenn. Dæmi um viðburði er árshátíð á Spáni, rútuferðir, mínigolfmót o.s.frv.
  • Við viljum færa verkefni til félagsmanna og í því sambandi er starfandi „Skemmtinefnd FHS“ en hennar er hlutverk er að undirbúa Grísaveislu FHS sem er haldin í febrúar ár hvert.

Allir viðburðir eiga að standa undir sér sjálfir en í krafti fjöldans er hægt að halda kostnaði niðri.

Stjórn á hverjum tíma setur sínar áherslur, sú sem nú situr hefur sett áherslu á öryggismál, góðar upplýsingar og aukna samvinnu, með öllum þeim sem vilja vinna með okkur að því að gera samfélag okkar á Spáni öruggt og skemmtilegt. Við viljum virkja félagsmenn til að taka þátttöku í starfi fyrir félagið og vinna með hugsjónina „allir með“ að leiðarljósi.

Ef þig langar að koma á framfæri einhverju þá skráðu það hér :

Nafn:*
Rafpóstur:
Efni:
Skilaboð:
!