Það er ágætt fyrir húseigendur og leigjendur sem dvelja langdvölum á Spáni að huga að tryggingarmálum sínum. Það er ekki sjálfgefið að menn fái t.d. líftryggingu eða útfarartryggingu eftir hjartaáfall. Við eftirgrennslan var mælt með Grupo Rocamer, áratugagamalt fjölskyldufyrirtæki, sem rekur þrjár útfarastofur hér á Costablanca, Spáni, auk þess sem þeir eiga tvö tryggingarfélög. Þeir krefjast ekki læknisvottorðs en spyrja örfárra spurninga er varða heilsuna. Þær eru orðaðar þannig að flestum reynist auðvelt að svara þeim með jákvæðum hætti.
Auk fyrirframgreiddra jarðarfara þá bjóða þeir hagkvæmar útfarartryggingar fólki á öllum aldri. Af fyrirframgreiddum jarðarförum bjóða þeir félagsmönnum FHS 100 Evru afslátt frá útfarargjaldskrá. Af útfarartryggingum bjóða þeir félagsmönnum FHS 10% afslátt.
Það fylgir með kaupunum yfir 90 síðna afsláttarbók af einkarekinni heilbrigðisþjónustu, þ.m.t. tannlæknaþjónustu og spjald sem hægt er að hafa í veskinu og framvísa.
Varaformaður keypti af þeim útfarartryggingu fyrir nokkru og greiðir af henni mánaðarlega. Innifalinn er flutningur til Spánar hvaðan sem er í hinum vestræna heimi, brennsla, krukka og minningarathöfn, þrjú eintök af dánarvottorði á spænsku og þrjú á ensku auk alþjóðlegra flutningspappíra. Svo sækir einhver aðstandandinn krukkuna og flytur til Íslands frítt í handfarangri og kemur krukkunni til Fossvogskirkjugarðs þar sem bæði minningarathöfn og holan sem krukkan fer í er frí.
Það er full ástæða til að huga að þessum málum svo aðstandendur verði ekki fyrir umtalsverðum og óþörfum útgjöldum við andlát ættingja.
Vinsamlegast hafið samband við, enskan tengilið Grupo Rocamer:
Keith Collyer
Tel.: +34 650 461 816
Netfang: keith.rocamer@live.co.uk
Vefsíða: http://www.rocamer.es
Facebook: Keith.rocamer
Upplýsingaskjöl Grupo Rocamer:
Fyrirframgreidd útfararþjónusta – 100€ afsláttur til félagsmanna FHS
Iðgjöld af útfarartryggingu – 10% afsláttur til félagsmanna FHS